ఘన విజయ పథంలో ఇవో మొరేల్స్‌

                   ఆదివారం నాడు జరిగే బొలీవియా ఎన్నికలలో వామపక్ష అధ్యక్షుడు ఇవో మొరేల్స్‌ తొలి విడత ఓటింగ్‌లోనే ఘన విజయం సాధించనున్నట్లు అనేక సర్వేలు వెల్లడించాయి. ఐదు పార్టీలు పోటీ చేస్తున్న ఈ ఎన్నికలలో మొరేల్స్‌ 74శాతం ఓట్లతో ముందంజలో ఉన్నట్లు తాజా సర్వేలు తెలిపాయి. అక్కడి రాజ్యాంగం ప్రకారం పోలైన ఓట్లలో సగానికిపైగా తెచ్చుకోవాల్సి ఉంటుంది. లేని పక్షంలో 40శాతం ఓట్లు తెచ్చుకొని సమీప ప్రత్యర్థిపై కనీసం పదిశాతం
ఆధిక్యత కలిగి ఉండాలి. ఇందుకు భిన్నంగా ఫలితం ఉంటే డిసెంబరు ఏడున మొదటి రెండు స్థానాలలో ఉన్న అభ్యర్థుల మధ్య పోటీ జరుగుతుంది. పార్లమెంట్‌ ఎన్నికలలో 130 స్థానాలకు గాను 63 స్థానాలకు దామాషా పద్దతిలో 60 స్థానాలను నియోజకవర్గాల ప్రాతిపదికన ప్రతినిధులను ఎన్నుకుంటారు. మరో ఏడు స్థానాలను మైనారిటీ స్థానిక తెగలకు రిజర్వు చేశారు. తొమ్మిది రాష్ట్రాల నుంచి నలుగురు చొప్పున 36 మందితో ఎగువ సభకు ఎన్నుకుంటారు. రద్దయిన దిగువ సభలో సోషలిస్టు ఉద్యమం(మాస్‌) పార్టీకి 88 స్థానాలు, ఎగువ సభలో 26 ఉన్నాయి. ఏడుగురితో ఎన్నికల కమిషన్‌ ఉంటుంది.